"Барселона" ўзининг франциялик вингери Усмон Дембеле билан янги шартнома имзолашга қатъий қарор қилди, деб хабар беради бир қанча испан нашрлари. Каталонияликлар келаси ёзда уни текинга қўйиб юбормаслик учун футболчининг амалдаги шартномасини узайтириш бўйича ҳаракатларни бошламоқчи.
Маълумот учун 23 ёшли франциялик футболчи жорий мавсум "кўк анорранглилар" сафида 24 та ўйинда майдонга тушиб, 5 та гол ва 2 та голли узатмага муаллифлик қилди. Трансфермаркт портали футболчини 50 миллион еврога баҳоламоқда.