O‘zbekiston kubogi "F" guruhi 2-tur doirasidagi “Qo‘qon-1912” – “Mash’al” uchrashuvidan keyingi matbuot anjumanining ikkinchi qismida mezbonlar ustozi Baxtiyor Ashurmatov qatnashdi.  

- Uydagi uchta o‘yinda g‘alaba qozona olmayotganimiz uchun muxlislar oldida xijolatda qolayotgandik. Shuning uchun bugun g‘alaba qozonishimiz shart edi. Futbolchilarimiz ushbu vazifani uddalashdi. Tan olish kerak, birinchi bo‘limda raqibimiz ideal o‘yin namoyish etdi. Buning natijasida hisobni ham ochishgandi. Ikkinchi bo‘limda shogirdlarim o‘yinni kuchaytirishdi. Ayniqsa, zaxiradan maydonga tushgan futbolchilar ishonchlarimizni oqlashdi.

Davron Fayziyev “Buxoro”ga ketishdan oldin biz bilan do‘stona xayrlashgandi. Unga har doim eshiklarimiz ochiq ekanligini aytgandik. Shunday ekan u jamoamizga qaytishi mumkin.

Sog‘lik tilaganiz uchun rahmat. So‘ngi vaqtlarda sog‘ligimda ozroq muammolar bor edi. To‘g‘risini aytganda meni sog‘ligimdan ko‘ra jamoamizning natijalari xavotirga solib turgandi. Bugungi natijadan xursandman. To‘g‘ri hozir oldimizdagi vazifani bajarganimiz yo‘q. Lekin bosimni yengib o‘tib muxlislarimizni xursand qildik degan umiddaman. Zaxiradan qo‘shilgan Abduhamidov va Bambalar o‘yinni kuchaytirishdi. Ular asosiy tarkibda tushishga ozgina tayyor emasdilar. Yakuba Bambaning sog‘ligidagi ozroq muammo bor edi, shu sabab uni zaxiradan tushirdik. Xamidullo ham 4-5 oy davomida maydonga tushmadi, sekin-asta o‘z formasini tiklayapti. Suhrob Berdiyev sog‘ayib ketib safga qaytsa  o‘yinimiz yanada kuchayadi. Shuningdek Bobur Akbarovda ham jarohat bor edi", — dedi Ashurmatov.