Turinning "Yuventus" klubi bosh murabbiyi Andrea Pirlo Aleksandr Cheferinning so‘nggi bayonotiga javob qaytardi.
Eslatib o‘tamiz, prezident Yevropa Superligasida ishtirok etadigan klublarni keyingi mavsum turnirdan chetlatish mumkinligi haqida gapirgandi.
"Biz Chempionlar Ligasidan chiqarib yuborilishidan qo‘rqmaymiz. Endi jamoa xotirjam bo‘lib, bor e’tiborini nima qilish kerakligiga qaratmoqda. Bu bizning ishimiz va biz o‘z maqsadlarimizga erisha olishimizga aminmiz. Biz UYEFA qarori qanday bo‘lishidan xotirjammiz.
Men allaqachon klub prezidenti Andrea Anyelli bilan uchrashganman va u ham ancha xotirjam kayfiyatda, deb ayta olaman. U va u targ‘ib qilayotgan Superliga mavzusi shunchalik qizg‘in muhokama qilingani odatiy holdir va kelajakda ham muhokama qilinadi.
U nima qilish kerakligini biladi, shuning uchun u xotirjam. U har safar mashg‘ulot maydoniga chiqqanda juda katta ishtiyoqni keltirib chiqaradi, bu bizga ham yordam beradi. Jamoadagi muhit ijobiy. Biz mavsumni yaxshi yakunlamoqchimiz, chunki ma’lum vazifalarimiz bor", - deydi mutaxassis.
