Туриннинг "Ювентус" клуби бош мураббийи Андреа Пирло Александр Чефериннинг сўнгги баёнотига жавоб қайтарди.

Эслатиб ўтамиз, президент Европа Суперлигасида иштирок этадиган клубларни кейинги мавсум турнирдан четлатиш мумкинлиги ҳақида гапирганди.

"Биз Чемпионлар Лигасидан чиқариб юборилишидан қўрқмаймиз. Энди жамоа хотиржам бўлиб, бор эътиборини нима қилиш кераклигига қаратмоқда. Бу бизнинг ишимиз ва биз ўз мақсадларимизга эриша олишимизга аминмиз. Биз УЕФА қарори қандай бўлишидан хотиржаммиз.

Мен аллақачон клуб президенти Андреа Аньелли билан учрашганман ва у ҳам анча хотиржам кайфиятда, деб айта оламан. У ва у тарғиб қилаётган Суперлига мавзуси шунчалик қизғин муҳокама қилингани одатий ҳолдир ва келажакда ҳам муҳокама қилинади.

У нима қилиш кераклигини билади, шунинг учун у хотиржам. У ҳар сафар машғулот майдонига чиққанда жуда катта иштиёқни келтириб чиқаради, бу бизга ҳам ёрдам беради. Жамоадаги муҳит ижобий. Биз мавсумни яхши якунламоқчимиз, чунки маълум вазифаларимиз бор", - дейди мутахассис.