Yevropa Ligasi yarim finalining dastlabki uchrashuvlari doirasida «Manchester Yunayted» hamda «Roma» jamoalari o‘zaro ro‘baru kelishdi.

«Old Trafford»da kechgan bahsda maydon egalari yirik, 6:2 hisobida g‘alaba qozonishdi. Dastlab, birinchi bo‘lim biroz sokin o‘tdi va muxlislar 3 ta golning guvohi bo‘lishdi.

Hatto, dastlabki 45 daqiqalikni «Roma» Mirante hamda Jekoning gollari evaziga g‘olib sifatida yakunladi. Biroq, hammasi ikkinchi taymda boshlanib ketdi. Kavani va Bruno Fernandeshlar bittadan dubl qayd etishdi.

Pogba hamda Grinvud kiritgan gollar esa hisobning yanada yiriklashtirib yubordi. Mehmonlar bo‘lsa bu yurishlarga hech qanday javob qaytara olishmadi va yakunda «qizil iblislar» Rim jamoasi ustidan yirik hisobda zafar quchishdi.

«Manchester Yunayted» (Angliya) – «Roma» (Italiya) 6:2 (1:2, 5:0)
«Old Trafford»

Gollar: 1:0 – 9 Brunu Fernandesh, 1:1 – 15, penalti Pellegrini, 1:2 – 33 Djeko, 2:2 – 48 Kavani, 3:2 – 64 Kavani, 4:2 – 71, penalti Brunu Fernandesh, 5:2 – 75 Pogba, 6:2 – 86 Grinvud.

«Manchester Yunayted» – De Xea, Lindelef, Shou, Maguayr, Uan-Bissaka, Fred (Matich, 83), Pogba, Maktomini, Brunu Fernandesh (Mata, 89), Kavani, Reshford (Grinvud, 76).

«Roma» – Lopes (Mirante, 28), Karsdorp, Smolling, Rojer, Spinassola (Bruno Peres, 37), Veretu (Vilyar, 5), Kristante, Mxitaryan, Diavara, Pellegrini, Djeko.

Ogohlantirishlar:
Vilyar (50), Pogba (51), Smolling (61).