Professional boksning yarim o‘rta (-66,68 kg) vazn toifasida ringga chiqayotgan Qudratillo Abduqahhorov (18-0, 10 KO) navbatdagi jangini 2021 yilning 19-iyunida o‘tkazadi.
O‘zbekistonlik bokschiga argentinalik Sezar Migel Barrionuyevo (35-4, 25 KO) raqib bo‘ladi. Jang AQSHda bo‘lib o‘tadi.
Barrionuyevo so‘nggi jangini 2019 yilda Xuan Lensinaga qarshi o‘tkazgan va nokaut bilan g‘alaba qozongan.
Abduqahhorov esa 2021 yilning martida Puyerto-Riko vakili Xaviyer Floresni muddatidan avval taslim etgandi. Navbatdagi jang Qudratillo uchun prof boksdagi 19 jang bo‘ladi, sportchi shu vaqtga qadar mag‘lubiyat nimaligini bilmay kelmoqda.