«Atletiko» bosh murabbiyi Diyego Simeone La Liganing 35-turidan o‘rin olgan «Barselona» (0:0) bilan o‘yindan so‘ng o‘z fikrlarini bildirib o‘tdi.

«Birinchi bo‘limda himoyada va hujumda ajoyib jamoaviy o‘yin namoyish qildik. Bahs davomida ritmni saqlab turdik.

Ikkala jamoa ham g‘alaba qozonishni xohladi va qo‘lidan kelganicha o‘ynashga harakat qildi. 

Uch tur qoldi. Har doimgidek o‘yindan o‘yinga o‘tishimiz kerak. La Ligada eng kuchli xarakterga ega jamoa g‘olib bo‘ladi.

«Real»ning «Sevilya» bilan o‘yinini tomosha qilishim ehtimoldan yiroq, chunki bu men uchun eng yaxshi vaqt emas», – deya Simeonening so‘zlarini keltiradi Marca.