Uch karra O‘zbekiston chempioni, 3 karra O‘zbekiston kubogi hamda 2 karra Superkubok sohibi Toshkentning “Lokomotiv” jamoasi bilan “Metallurg” kuchlilar safida bugunga qadar o‘zaro 34 ta o‘yin o‘tkazgan. Ulardan 5 tasida “Metallurg”ning qo‘li baland kelgan. 11 ta uchrashuvda durang natija qayd etilgan. 18 ta bahsda temiryo‘lchilar zafar quchgan. Kiritilgan va o‘tkazib yuborilgan to‘plar farqi – 30:57, toshkentliklar foydasiga.

O‘tgan mavsum “Metallurg” “Lokomotiv”ni poytaxtda 3:0 hisobida dog‘da qoldirib, o‘z maydonidagi uchrashuvda jangovor durangga imzo chekkandi – 2:2.

"Lokomotiv" haqida

O‘tgan mavsum “Lokomotiv” chempionatni 9-o‘rinda yakunladi. Uch marta mamlakat chempioni, to‘rt marta vise chempion, uch marta O‘zbekiston kubogi sohibi bo‘lgan jamoa uchun bu natija omadsizlik deb baholandi va bu yilgi mavsum arafasida klubga xorijlik mutaxassis olib kelindi.

Portugaliyalik murabbiyning Superliga bahslariga ko‘nikib olishi, futbolchilar bilan til topishib ketishi uchun ma’lum muddat vaqt kerak bo‘ldi. Ammo so‘nggi uchta turdan buyon “Lokomotiv”ning o‘yinida o‘sish kuzatilmoqda. Bu esa “Loko” muxlislarini xursand etmasdan qolmayapti.

Temiryo‘lchilar kuchlilar safida bugungacha 457 ta o‘yin o‘tkazgan bo‘lib, shulardan 230 tasida g‘alaba qozongan.  96 o‘yinda durangga imzo chekkan. 131 uchrashuvda esa imkoniyatni boy bergan. “Lokomotiv” raqiblari darvozasini 747 marta ishg‘ol etgan holda, o‘z darvozalaridan 520 ta to‘p olib chiqqan. Jamoaning milliy chempionatlarimizdagi eng yirik hisobdagi g‘alabasi – 7:0 (2015 – “So‘g‘diyona”, 2017 – “Obod”). Eng yirik mag‘lubiyati – 0:7 (2020 – “Paxtakor”).

"Lokomotiv" - "Metallurg" jamoalari uchrashuviga jalb etilgan futbolchilari ro‘yxati: