Уч карра Ўзбекистон чемпиони, 3 карра Ўзбекистон кубоги ҳамда 2 карра Суперкубок соҳиби Тошкентнинг “Локомотив” жамоаси билан “Металлург” кучлилар сафида бугунга қадар ўзаро 34 та ўйин ўтказган. Улардан 5 тасида “Металлург”нинг қўли баланд келган. 11 та учрашувда дуранг натижа қайд этилган. 18 та баҳсда темирйўлчилар зафар қучган. Киритилган ва ўтказиб юборилган тўплар фарқи – 30:57, тошкентликлар фойдасига.

Ўтган мавсум “Металлург” “Локомотив”ни пойтахтда 3:0 ҳисобида доғда қолдириб, ўз майдонидаги учрашувда жанговор дурангга имзо чекканди – 2:2.

"Локомотив" ҳақида

Ўтган мавсум “Локомотив” чемпионатни 9-ўринда якунлади. Уч марта мамлакат чемпиони, тўрт марта вице чемпион, уч марта Ўзбекистон кубоги соҳиби бўлган жамоа учун бу натижа омадсизлик деб баҳоланди ва бу йилги мавсум арафасида клубга хорижлик мутахассис олиб келинди.

Португалиялик мураббийнинг Суперлига баҳсларига кўникиб олиши, футболчилар билан тил топишиб кетиши учун маълум муддат вақт керак бўлди. Аммо сўнгги учта турдан буён “Локомотив”нинг ўйинида ўсиш кузатилмоқда. Бу эса “Локо” мухлисларини хурсанд этмасдан қолмаяпти.

Темирйўлчилар кучлилар сафида бугунгача 457 та ўйин ўтказган бўлиб, шулардан 230 тасида ғалаба қозонган.  96 ўйинда дурангга имзо чеккан. 131 учрашувда эса имкониятни бой берган. “Локомотив” рақиблари дарвозасини 747 марта ишғол этган ҳолда, ўз дарвозаларидан 520 та тўп олиб чиққан. Жамоанинг миллий чемпионатларимиздаги энг йирик ҳисобдаги ғалабаси – 7:0 (2015 – “Сўғдиёна”, 2017 – “Обод”). Энг йирик мағлубияти – 0:7 (2020 – “Пахтакор”).

"Локомотив" - "Металлург" жамоалари учрашувига жалб этилган футболчилари рўйхати: