Kecha Everton va Milan ishtirokidagi o‘yinlar ham buni isbotlab turibdi.
Karlo Anchelotti boshchilik qilayotgan Everton ochkolar muhim pallada APL bilan allaqachon xayrlashib bo‘lgan Sheffildni qabul qilib, imkoniyatni boy berdi. Shu uchrashuv yana 3 marta o‘tkazilsa, ularning barida liverpulliklar zafar quchishi mumkindir.
Ammo TOP klubning TOP ekani aynan kerakli o‘yinlarni o‘z foydasiga hal qila olishida namoyon bo‘ladi. Everton yil avvalida hamma uchun jiddiy chaqiruv tashlagan bo‘lsa-da, mavsum so‘ngida baribir o‘zi uchun u qadar begona bo‘lmagan o‘rinlarda yuribdi.
Anchelottidan keyin TOP darajasi tobora tushib borgan va so‘nggi ikki yilda sekin-asta qaddini tiklayotgan Milan yanada achinarli ishga qo‘l urdi. Kalyari taslim etilsa, Milan bir necha yillik tanaffusdan keyin CHLga qaytishi kerak edi.
O‘zi uchun hech qanday ahamiyat kasb etmaydigan o‘yinda Kalyari San Sirodan 1 ochko olib qaytyapti. Yanada yomon tomoni shundaki, Milan kelasi turni Atalanta maydonida o‘tkazishi kerak.
