Turinliklar forvardi Krishtianu Ronaldu jamoa natijalaridan norozi va shu tufayli kelasi yozda klubini o‘zgartirishga tayyor.
Italiyalik jurnalist Fabrisio Romano xabar berishicha, Ronaldu uchun Chempionlar Ligasida qatnashish eng ustuvor vazifa. Agar “Yuventus” Yevropa Ligasida qatnashadigan bo‘lsa, u holda portugaliyalik A Seriyani tark etadi.
Bugun “Yuve” yangi mavsum uchun formalarni taqdim etdi va unda Ronaldu borligini ham ko‘rish mumkin.
Avvalroq, portugaliyalik yulduz o‘z mashinalarini Turindan mashinalarini olib chiqqani xabar qilingandi.
Eslatib o‘tamiz, Andrea Pirlo shogirdlari chempionat so‘nggi turi oldidan turnir jadvalida 75 ochko bilan 5-o‘rinda bormoqda. Jamoani YECHL o‘rnidan atigi bir ochko ajratib turibdi.
