«Chelsi» bosh murabbiyi Tomas Tuxel xavbek Ngolo Kante va darvozabon Eduar Mendining holati haqida gapirib o‘tdi.
"Kantening so‘zlariga ko‘ra, holat o‘zgarmagan. Uning chorshanba kungi mashg‘ulotlarga qaytishini kutamiz. U yaxshi ko‘rinmoqda, umid qilamanki shanbagacha shunday qoladi.
Mendi bo‘yicha umidimizni saqlab turibmiz. Uning jarohatida sezilarli yaxshilanish kuzatilgan va uni qaytishiga umid qilamiz.
Finalda Eduar o‘ynaydi, agar u tayyor bo‘lsa. Agarda u o‘ynay olmasa, albatta tavakkal qilmaymiz. Bizda jiddiy raqobat mavjud va Kepa uning o‘rniga tushadi", — dedi Tuxel.
