“Chelsi” rahbariyati uzoq yillik tanaffusdan so‘ng “Inter” futbolchisi Romelu Lukakuni jamoaga qaytarish yo‘llarini qidirmoqda.
Belgiyalik hujumchi avvaliga Milanda qolish uchun o‘ziga bo‘layotgan barcha takliflarni rad etayotgan edi. Biroq, “Inter” rahbariyati jamoani chempion qilgan Antonio Konteni iste’foga chiqarganidan keyin Lukaku ham ketadigan bo‘lyapti.
Romelu Lukakuning bugungi kundagi transfer summasi 70-80 million funtni tashkil qilmoqda. Bu summani topish uchun londonliklar besh nafar futbolchisini sotib yuboradigan bo‘lyapti.
Ish joyidan ayrilayotganlar orasida dunyoning eng qimmat darvozaboni Kepa Arrisabalaga, shuningdek, Kallum Xadson-Odoi, Ross Barkli, Ruben Loftus-CHik va Temmi Abraxam kabi mashhur o‘yinchilar bor.
