Xosep Gvardiola Chempionlar Ligasi finalidan keyin o‘z fikrlarini bildirdi.
«Bu biz uchun ajoyib mavsum edi. Juda shiddatli o‘yinlar namoyish etdik. Bizda bugun imkoniyat ko‘p bo‘ldi. Ikkinchi bo‘limda ajoyib o‘ynadik. Raqib biroz jasurroq chiqdi, futbolchilar ajoyib o‘yin namoyish etishdi. Umid qilamizki, biz kelasi mavsum ham yana shu bosqichda bo‘lamiz.
Tarkibni tanlash borasida o‘zimga ma’qul ko‘rganimni amalga oshirdim. De Bryuynening jarohati? Bu kabi o‘yinlarda bo‘lib turadi. Bugun biz ruhiy daldaga ko‘proq muhtoj edik.
Hozir faqat dam olishni xohlaymiz. Biz ushbu bosqichga birinchi marta yetib keldik. Keyingi mavsumga tayyorgarlik ko‘rish kerak bo‘ladi», - deydi murabbiy.
