"Tottenxem" hujumchisi Lukas Moura faoliyatini Saudiya Arabistonining "Al-Hilol" jamoasida davom ettirishi mumkin, deb xabar beradi jurnalist Nikolo Skira. Manbaning xabariga ko‘ra, yaqinda klub rahbari sifatida ish boshlagan bosh murabbiy Leonardo Jardim 28 yoshli braziliyalikni o‘z jamoasida ko‘rishni istamoqda.
Moura ketishga yaqin turgan Sebastyan Jovinkoning o‘rnini egallashi mumkin. Xabar qilinishicha, braziliyalik futbolchi hali "Tottenxem"dagi kelajagi to‘g‘risida qaror qabul qilmagan. 2020/21-yilgi mavsumda Moura 50 ta o‘yin o‘tkazib, unda 9 ta gol va 5 ta golli uzatmani amalga oshirdi.
