«Aston Villa» klubi Chempionship g‘olibi bo‘lgan — «Norvich» yetakchisi Emiliano Buendiani o‘z safiga qo‘shib olishni jiddiy maqsad qilgan. 

Sky Sports'ning yozishicha, argentinalik 24 yoshli futbolchi yangi mavsumni birmingemliklar tarkibida boshlashga yaqin. U «Arsenal» taklifini rad etmoqda. 

Manbaga ko‘ra, «sherlar» yarim himoyachi uchun «to‘pchilar»dan ko‘proq pul to‘lashga tayyor.

Fabrisio Romanoning xabar berishicha, Buendia 33 mln funt-sterling (bonuslar bilan 40 mln) evaziga «Villa Park»ka ko‘chib o‘tadi. Bu birmingemliklar tarixidagi eng katta xarid bo‘lishi bilan birga, APLga qaytgan «kanareykalar» uchun ham rekord darajadagi sotuvga aylanadi. 

Argentina milliy jamoasi bilan Amerika Kubogiga hozirlik ko‘rayotgan havbek o‘tgan mavsumda 15ta gol va 16ta assistni o‘z hisobiga yozdirib qo‘ydi. Shu bilan birga Chempionshipda eng ko‘p golli vaziyat yaratgan futbolchiga aylandi.