«Everton» Rafael Benitesni «Real»ga ketgan Karlo Anchelottining o‘rniga olib kelish variantini ko‘rib chiqmoqda.
Mersisaydliklar o‘tmishda «Liverpul»ni boshqargan va Mersisaydda yashashda davom etayotgan Benites bilan aloqaga chiqishgan.
Avvalroq, klub «Vulverhempton» sobiq bosh murabbiyi Nunu Eshpiritu Santu bilan kelisha olmagani va Devid Moyesning «Everton»ga qaytish ehtimoli kamligi haqida ma’lumot berilgandi.
Benitesning oxirgi ish joyi Xitoyning "Dalyan Pro" klubi bo‘lgan va u yerdan koronavirus pandemiyasi oqibatida yanvar oyida ketgan edi.
Keyinchalik 61 yoshli ispaniyalik APLga qaytishga qarshi emasligini e’lon qilgandi.
