Daniya terma jamoasi yarim himoyachisi Kristian Eriksenning Finlyandiyaga qarshi uchrashuvda hushdan ketib maydonga yiqilishiga nima sabab bo‘lishi mumkin?

Hushni yo‘qotishda: hushdan ketish - kollaps (obmorok) va epileptik holat tushuniladi. Bular klinik belgilari bilan bir-biridan farq qiladi. Kecha maydonga chiqqan shifokorlar Eriksenning boshini yonbosh holda ushlab, holatga baho berishayotganda avvaliga bu vaziyatga epileptik holat deb qarashdi. Puls yo‘qolgach esa bu hushdan ketish holati – “kollaps” deb baholanib, tezkor yordam choralari boshlandi.
 
Sabablar turlicha, ammo futbolchining maydonda hushini yo‘qotishiga asosiy sabab jismoniy yuklamalar va bunga yurak-qon tomir tizimining javob reaksiyasi sabab bo‘ladi.

Hanuz to‘liq tashxis va sabab e’lon qilinmadi, ammo Eriksonda yurak xuruji ro‘y bergani aniq. Uning vaziyatida holatga stress, kuchli toliqish, turli vositalar qabuli (doping), boshqa azolardagi muammolar sabab bo‘lgan bo‘lishi ham mumkin.

Abror Pirriyev
O‘zbekiston terma jamoasi shifokori