Yevropa futbol assosiasiyalari ittifoqi (UYEFA) Yevro-2020 finalini Londondan Budapeshtga ko‘chirishi mumkin. Bunga sabab, Buyuk Britaniya hukumatining ba’zi cheklovlari sabab bo‘lmoqda.

UYEFA mezbon shaharda muxlislar, rasmiylar va muhim korporativ mehmonlarning o‘yinlarga borishiga to‘sqinlik qiladigan karantin choralari ko‘rilsa, Yevro o‘yinlari o‘tkaziladigan joyni o‘zgartirishga tayyorligini aytdi.

Xabarlarga ko‘ra, hozirda Buyuk Britaniya hukumati UYEFA va FIFA rasmiylari, siyosatchilar, homiylar va translyasiyalarni o‘zini izolyasiyadan ozod qilish taklifini muhokama qilmoqda.

Hozirda sariq yoki qizil ro‘yxatga kiritilgan mamlakatlardan kelgan odamlar uchun o‘n kunlik izolyasiya talab qilinadi. Yevropa chempionatlaridagi har bir jamoa hozirda Buyuk Britaniyaning sariq ro‘yxatiga kiritilgan (Turkiya bundan mustasno, ular qizil ro‘yxatga kiritilgan).

Eslatib o‘tamiz, Vengriyadagi Yevropa chempionati o‘yinlarida stadionni 100 foiz to‘ldirishga ruxsat berilgan.

Yevro-2020 finali Londonning "Uembli" stadionida 11 iyul kuni bo‘lib o‘tishi kerak.