"Manchester Yunayted" darvozaboni Serxio Romero yozda klubini o‘zgartirishi mumkin. Oldinroq, "mankunianlar" rahbariyati argentinalik kiperni shartnoma tugagandan so‘ng jamoadan ketishini e’lon qilgandi.

Manbaga ko‘ra, "Everton" Romeroni erkin agent sifatida qo‘lga kiritish uchun muzokaralar olib bormoqda. Shuningdek, "Yuventus" va "Selta" darvozabonni o‘z tarkibiga qo‘shib olishni maqsad qilgan, ammo futbolchining o‘zi APLda qolish istagini bildirdi.

O‘tgan mavsumda 34 yoshli darvozabon umuman maydonga tushmadi.