Nufuzli insayder Fabrisio Romano Krishtianu Ronaldu «Yuventus» bilan shartnomasini uzaytirmasligini ta’kidlamoqda.

Klub bundan buyog‘iga futbolchi bilan muzokara olib bormaydi. Portugaliyalikning amaldagi kelishuvi tugashiga bir yil muddat qolgan.

Ronaldu va uning agenti Xorxe Mendesh bu borada jim turishni ma’qul ko‘rishmoqda. «Keksa sinyora» o‘ttiz million yevrodan ortiq maosh oladigan futbolchidan xalos bo‘lishni istaydi. 

Ma’lumot uchun, o‘tgan mavsumda Ronaldu A Seriyaning eng yaxshi to‘purariga aylangan edi.