Soca Cola Super ligasining 12-turida Muborakning “Mash’al” Navoiyning “Qizilqum”  jamoasiga qarshi maydonga tushadi.

Uchrashuv rasmiylari

Navoiyda  bo‘lib o‘tadigan “Qizilqum”  – “Mash’al” uchrashuvini  Asker Najafaliyev boshqarib boradi. Unga qanotlarda Rasuljon Fozilov va Maksim Nexochin yordam berishadi. Uchrashuvda zaxira hakami sifatida Sultonmurod Abdurahmonov ishlaydi. Hakamlar ishini Ma’mur Saidqosimov nazorat qiladi. Uchrashuv komissari — Shohruh Said.

O‘zaro o‘yinlar

“Qizilqum” va “Mash’al”   shu kungacha chempionat bahslarida 32 marta to‘qnash kelgan. G‘alabar bo‘yicha “Qizilqum” 10ta, “Mash’al” esa 9tadan yutuqqa erishgan. 13 o‘yin durang bilan yakunlangan. «Gazchi»lar  raqib darvozasini 42 bor ishg‘ol qilgan bo‘lsalar, navoiylar esa 39 gol urishgan.

“Mash’al”ning o‘zaro o‘yinlarda qozongan eng yirik g‘alabasi – 6:1 ga teng. “Qizilqum”da  bu ko‘rsatkich 6:3 bo‘lib turibdi.

Boshlanish vaqti

“Qizilqum” – “Mash’al” uchrashuvi Navoiyda “Yoshlar sport majmuasi” stadionida 2-iyul juma kuni bo‘lib o‘tadi. Uchrashuv  soat 20:00 da boshlanadi.