Xabaringiz bor, “Navbahor” 2-davra bahslariga jiddiy tarzda tayyorgarlik ko‘rmoqda. Jamoa murabbiylar shtabidan yangi mutaxassis o‘rin oldi. Bu serbiyalik mutaxassis Aleksandr Galich. Galich 1976 yili tug‘ilgan. Futbolchi sifatida bir qator jamoalarda to‘p tepgan. Sobiq hujumchi.

Murabbiylik faoliyati davomida Serbiyaning OFK (Belgrad), “Radnichki” (Kraguyevas), BAAning “Emireyts” (Ras-el-Xayma), Toshkentning “Lokomotiv” va Xitoyning “Chanchun Yatay” (Chanchun) klublarida ishlagan.

“Lokomotiv” hamda “Chanchun Yatay” jamoalarida ayni paytda “Navbahor”da maslahatchi-murabbiy sifatida ishlayotgan Samvel Babayan bilan birga faoliyat yuritgan.

Aleksandr Galich jamoamizda jismoniy tayyorgarlik bo‘yicha ish olib boradi.

Serbiyalik mutaxassis “lochinlar”ning kecha kechki payt “Markaziy” o‘yingoh zaxira maydonida bo‘lib o‘tgan mashg‘ulotida Viktor Jalilov boshchiligidagi murabbiylar shtabiga yordam berdi.    

“Navbahor” PFK matbuot xizmati.