Fransiyaning «TF1» nashrining yozishicha, «Manchester Yunayted» «Real» futbolchisi Rafael Varan transferi borasida kelishuvga erishgan.

Varan jamoaning qolgan qismi bilan mavsumoldi tayyorgarligi uchun «Real Madrid»ning mashg‘ulot bazasiga qaytdi, ammo hali klub bilan yangi shartnoma imzolamadi.

«Qaymoqranglilar» fransuz himoyachisining avvalgi 80 million yevrolik narxini ancha pasaytirdi, chunki ular amaldagi shartnomasi tugagach, 2022 yilda futbolchini bepul qo‘yib yuborishni istamayapti.

Ammo, «L'Equipe» nashri mazkur ma’lumotni rad etgan. Manbaning ta’kidlashicha, «Manchester Yunayted» futbolchi uchun rasmiy taklif yubormagan.