«Aston Villa» futbolchisi Jek Grilish o‘z klubida qolishga va «Manchester Siti» taklifidan voz kechishga chaqirildi. «TalkSPORT» hodimi Rey Perlor bu haqda shunday deydi:
«Umid qilamanki, u o‘z klubini tark etmaydi. Agar Grilish chiqib: 'Yo‘q, men 'Villa'da qolaman, bu mening klubim' desa, hamma unga qoyil qolgan va uning obro‘si osmon qadar o‘sgan bo‘lardi. Grilish o‘zi tanilgan jamoada harakat qilib, uni mamlakatdagi eng yaxshi klublardan biriga aylantirishi va YCHLga olib chiqish imkoniyati mavjud».
Avvalroq Grilish o‘z jamoasida qolsa, u Angliyadagi eng ko‘p maosh oluvchi futbolchiga aylanishi mumkinligi ma’lum qilingan edi.
