«Астон Вилла» футболчиси Жек Грилиш ўз клубида қолишга ва «Манчестер Сити» таклифидан воз кечишга чақирилди. «TalkSPORT» ҳодими Рей Перлор бу ҳақда шундай дейди:
«Умид қиламанки, у ўз клубини тарк этмайди. Агар Грилиш чиқиб: 'Йўқ, мен 'Вилла'да қоламан, бу менинг клубим' деса, ҳамма унга қойил қолган ва унинг обрўси осмон қадар ўсган бўларди. Грилиш ўзи танилган жамоада ҳаракат қилиб, уни мамлакатдаги энг яхши клублардан бирига айлантириши ва ЙЧЛга олиб чиқиш имконияти мавжуд».
Аввалроқ Грилиш ўз жамоасида қолса, у Англиядаги энг кўп маош олувчи футболчига айланиши мумкинлиги маълум қилинган эди.
