Coca-Cola Superligasining 13 turi doirasidagi bir qancha uchrashuvlar bo‘lib o‘tdi. Toshkentda "Paxtakor" - "Bunyodkor" bilan bahs olib borgan bo‘lsa, Jizzaxda "So‘g‘diyona" AGMKni qabul qildi. "Andijon" esa "Turon"ga qarshi maydonga tushdi.

Toshkentdagi "Paxtakor" va "Bunyodkor" jamoalari o‘rtasidagi uchrashuvda, maydon egalari 1:0 hisobida g‘alaba qozondi. Golni 45 daqiqada "sherlar" hujumchisi Dragan Cheran penaltidan kiritdi. Jizzaxdagi markaziy stadionda kechgan "So‘g‘diyona" va AGMK uchrashuvida hisob ochilmadi. Bellashuv 0:0 hisobida tugadi. Vodiy derbisi maqomda o‘tgan "Andijon - "Turon" uchrashuvida 1:1 hisobidagi durang qayd etildi. Bahsdagi ilk golni 38 daqiqada "Turon" vakili Sunnaullo Abdullajonov ochdi. Ikkinchi bo‘lim boshida esa "Andijon" hisobni tenglashtirdi. Gol muallifi - Pavel Zabelin.

PAXTAKOR — BUNYODKOR 1:0

Gol: Dragan Cheran, 45 pen (1:0)

SO‘G‘DIYONA — AGMK 0:0

ANDIJON — TURON 1:1

Gollar: Sunnatillo Abdullajonov, 38 (0:1), Pavel Zabelin, 51 (1:1)