"Real Madrid" "PSJ" futbolchisi Kilian Mbappening transferi borasidagi muzokaralarni qayta ko‘rib chiqadi va Parij klubi o‘z pozisiyasini o‘zgartiradi deb umid qilmoqda, deb xabar beradi "Marca" nashri.
Manbaning xabariga ko‘ra, qirollik klubi Mbappening shartnomani yangilashdan butunlay voz kechishi parijliklar pozisiyasiga ta’sir qilishi kerak, deb hisoblaydi.
Qayd etilishicha, ayni damda fransuz klubi bu borada hali kuchsizligini ko‘rsatmayapti.
Eslatib o‘tamiz, Mbappe kecha "PSJ"ning Fransiya Superkubogi finalida o‘ynamadi, Mazkur bahsda parijliklar "Lill"ga (0:1) hisobida yutqazdi. Jamoa bosh murabbiyi Maurisio Pochettino "Mbappe jismoniy holati yomon bo‘lgani uchun Liga 1 musobaqasining birinchi turida ham maydonga tushmaydi", deb izoh berdi.
