"Реал Мадрид" "ПСЖ" футболчиси Килиан Мбаппенинг трансфери борасидаги музокараларни қайта кўриб чиқади ва Париж клуби ўз позициясини ўзгартиради деб умид қилмоқда, деб хабар беради "Marca" нашри.
Манбанинг хабарига кўра, қироллик клуби Мбаппенинг шартномани янгилашдан бутунлай воз кечиши парижликлар позициясига таъсир қилиши керак, деб ҳисоблайди.
Қайд этилишича, айни дамда француз клуби бу борада ҳали кучсизлигини кўрсатмаяпти.
Эслатиб ўтамиз, Мбаппе кеча "ПСЖ"нинг Франция Суперкубоги финалида ўйнамади, Мазкур баҳсда парижликлар "Лилль"га (0:1) ҳисобида ютқазди. Жамоа бош мураббийи Маурисио Почеттино "Мбаппе жисмоний ҳолати ёмон бўлгани учун Лига 1 мусобақасининг биринчи турида ҳам майдонга тушмайди", деб изоҳ берди.
