Turinning "Yuventus" klubi markaziy himoyachisi Merix Demiral faoliyatini "Atalanta"da davom ettiradi.
Bergamo klubi futbolchini 2021/22 yilgi mavsum oxirigacha ijaraga oldi va buning uchun 3 million yevro to‘laydi.
Shartnoma shartlariga ko‘ra, "Atalanta" 23 yoshli turk futbolchisini 25 million yevroga sotib olish huquqiga ega bo‘ladi.
Bundan tashqari, "keksa sinyora" futbolchining keyingi sotuvining 10 foizini oladi.
Demiral 2019 yildan buyon "Yuventus" da o‘ynab kelmoqda. U o‘tgan mavsum barcha musobaqalarda 32 ta o‘yinda qatnashdi, 1 ta gol va 2 ta golli uzatmani amalga oshirdi.
