Туриннинг "Ювентус" клуби марказий ҳимоячиси Мерих Демирал фаолиятини "Аталанта"да давом эттиради.
Бергамо клуби футболчини 2021/22 йилги мавсум охиригача ижарага олди ва бунинг учун 3 миллион евро тўлайди.
Шартнома шартларига кўра, "Аталанта" 23 ёшли турк футболчисини 25 миллион еврога сотиб олиш ҳуқуқига эга бўлади.
Бундан ташқари, "кекса синьора" футболчининг кейинги сотувининг 10 фоизини олади.
Демирал 2019 йилдан буён "Ювентус" да ўйнаб келмоқда. У ўтган мавсум барча мусобақаларда 32 та ўйинда қатнашди, 1 та гол ва 2 та голли узатмани амалга оширди.
