O‘zbekiston Superligasi 15-turi doirasidagi “Bunyodkor” — “Metallurg” boshqa stadionga ko‘chirildi. Bu haqida O‘zbekiston Profissional Futbol ligasi matbuot xizmati xabar bermoqda.
"Davlat test imtihonlari “Bunyodkor” stadioniga tutash hududda ham o‘tkazilayotganidan kelib chiqib, abituriyentlarga halal bermaslik maqsadida Coca-Cola Superliga 15-turidan o‘rin olgan “Bunyodkor” — “Metallurg” uchrashuviga OKMK sport majmuasi mezbonlik qiladi", deb xabar berilgan bayonotda.
Mazkur shaharda 15-avgust kuni AGMK klubi ham “Nasaf”ga qarshi uchrashuv o‘tkazishi, ketma-ket ikki kun davomidagi o‘yinlar maydon sifatiga ta’sir ko‘rsatishi mumkinlini inobatga olib, “Bunyodkor” — “Metallurg” uchrashuvi 14-avgust sanasida emas, balki 13-avgust kuni bo‘lib o‘tadi, deb qo‘shimcha qilinadi PFL rasmiy xabarida.
