Ўзбекистон Суперлигаси 15-тури доирасидаги “Бунёдкор” — “Металлург” бошқа стадионга кўчирилди. Бу ҳақида Ўзбекистон Профиссионал Футбол лигаси матбуот хизмати хабар бермоқда.
"Давлат тест имтиҳонлари “Бунёдкор” стадионига туташ ҳудудда ҳам ўтказилаётганидан келиб чиқиб, абитуриентларга ҳалал бермаслик мақсадида Coca-Cola Суперлига 15-туридан ўрин олган “Бунёдкор” — “Металлург” учрашувига ОКМК спорт мажмуаси мезбонлик қилади", деб хабар берилган баёнотда.
Мазкур шаҳарда 15-август куни АГМК клуби ҳам “Насаф”га қарши учрашув ўтказиши, кетма-кет икки кун давомидаги ўйинлар майдон сифатига таъсир кўрсатиши мумкинлини инобатга олиб, “Бунёдкор” — “Металлург” учрашуви 14-август санасида эмас, балки 13-август куни бўлиб ўтади, деб қўшимча қилинади ПФЛ расмий хабарида.
