Milanning «Inter» klubi argentinalik hujumchi Xoakin Korreaning transferi borasida «Lasio» bilan kelishib oldi.

Bu haqda mahalliy matbuot xabar beradi.

Manbaga ko‘ra, argentinalik uchun tovon puli 70 million yevroni tashkil qilgan, biroq klublar 30 millionlik ko‘rsatkich bo‘yicha kelishib olishgani aytilmoqda.

Futbolchining o‘zi «Inter»ga o‘tishni xohlaydi, chunki u yana Simone Indzagi bilan ishlashdan manfaatdor.

Ma’lumot uchun, Xoakin Korrea 2018 yildan buyon «Lasio»da o‘ynaydi. Umuman olganda, futbolchi klub safida 92 ta o‘yinda maydonga tushib, 22 ta gol urgan.

Futbolchining rimliklar bilan shartnomasi 2024 yilning yozigacha amal qiladi.