«Chelsi» bosh murabbiyi Tomas Tuxel Lionel Messining «PSJ»ga o‘tishi haqida gapirdi.
Eslatib o‘tamiz, oldingi mavsum Tuxel ham parijliklar manfaati uchun ishlagan va ularni Chempionlar ligasi finaliga olib chiqqan.
«Messi - sayyoramizdagi har qanday klub uchun ham ajoyib variant. Ammo, afsuski, u faoliyatini «Barsa»da tugatmaydi. Messi va Barselona - bu bir tana, ular bir butun.
«PSJ»da ajoyib jamoa shakllandi, lekin Pochettinoning zimmasida juda ko‘p vazifa bor. Katta nomlarning mavjudligi hozircha hech narsani kafolatlamaydi, lekin, shubhasiz, bu jamoa kuchini oshiradi», - deydi Tomas Tuxel.
