Bugun APL 1-turining markaziy uchrashuvida «Tottenhem» amaldagi chempion "Manchester Siti" klubini qabul qiladi.
Uchrashuv Toshkent vaqti bilan 20:30 da boshlanadi.
O‘yinga doir qiziqarli ma’lumotlar va faktlarni keltirib o‘tamiz.
Bilasizmi?
«Tottenhem» vingeri Son Xyon-Min barcha musobaqalarda faqatginia «Sautgempton»ga (11 gol) "Manchester Siti" klubidan ko‘ra ko‘proq gol (6) urishga erishgan.
Nuno Eshpiritu Santu APL debyut uchrashuvida g‘alaba qozongan «Tottenhem»ning beshinchi bosh murabbiyi bo‘lishi mumkun,
Pep Gvardiola barcha ochilish o‘yinlarida g‘alaba qozongan (5/5) va kamida ularning to‘rttasini boshqargan yagona murabbiy.
"Manchester Siti" 2011/12 yilgi mavsumdan beri APLning ilk turida doim g‘alaba qozonib kelmoqda.
Bahs rasmiylari
Bosh hakam: Entoni Teylor
Qanot hakamlari: Gari Besvik, Adam Nunn
Zaxira hakami: Kreyg Pouson
VAR: Styuart Atvell
VAR yordamchisi: Konstantin Hatzidakis
Taxminiy tarkiblar
Tottenhem - Lyoris, Tnganga, Sanches, Dayer, Regilon, Skipp, Hoyberg, Moura, Alli, Bergveyn, Son
Manchester Siti - Steffen, Kanselu, Diash, Ake, Mendi, Gyundogan, Rodri, Fernandinyo, Mahrez, Torres, Grilish.
Yo‘qotishlar
«Tottenhem» safida Brayan Gill formada emas, Harri Keyn va Kristian Romeroda jarohat bor. Ularning maydonga tushishi so‘roq ostida.
"Manchester Siti" mavsum startini katta yo‘qotishlar bilan boshlamoqda. Fil Foden va Kevin de Bryuyne singari futbolchilar safdan chiqishgan. Ederson, Stones, Uoker, Lyaport, Sterling, Jezus esa optimal formaga kirib ulgurishmagan.
Raqamlar
«Tottenhem»ning APLdagi oxirgi 9 uchrashuvidan sakkiztasida o‘rtacha har bir o‘yinda 2,5 tadan ko‘p gol urilgan.
"Manchester Siti" Premyer-Liga doirasidagi so‘nggi 6 safar o‘yinida kamida ikkitadan gol kiritgan.
«Tottenhem» "Manchester Siti"ga qarshi oxirgi 3 uy uchrashuvida darvozasidan to‘p olib chiqmagan (barcha musobaqalarda).
«Tottenhem» "Manchester Siti" bilan bo‘lgan so‘nggi 3 uy uchrashuvning barchasida g‘alaba qozongan (barcha musobaqalarda).
