“Chelsi“ hujumchisi Temmi Abraxam uzoq davom etgan muzokaralardan so‘ng “Roma“ga o‘tishga rozi bo‘ldi. Bu haqda Britaniya matbuoti xabar bermoqda.

Kelishuv yaqin orada rasman e’lon qilinishi kutilmoqda. Qayd etilishicha, “Chelsi“ keyinchalik Abraxamni yana sotib olish imkoniyatiga ega bo‘ladi.

Eslatib o‘tamiz, “Roma“ bir haftadan so‘ng A Seriyaning yangi mavsumidagi ilk rasmiy o‘yinini o‘tkazadi.

Birinchi turda Joze Mourinyo shogirdlari o‘z maydonida “Fiorentina“ga qarshi o‘ynaydi.