«Manchester Yunayted» himoyachisi Fil Jons joriy klubini tark etish niyatida, deb xabar beradi Goal.

Manbaning xabariga ko‘ra, futbolchi klublardan turli takliflarini ko‘rib chiqishga tayyor.

Eslatib o‘tamiz, ingliz futbolchisi 2020 yilning yanvaridan buyon maydonga tushmagan. Hozir Jons yana bir jarohatidan tuzalmoqda.

Ma’lum bo‘lishicha, himoyachi klubini o‘zgartirib, yana futbol o‘ynashni boshlash niyatida. Fil «Manchester Yunayted»ga 2011 yilda «Blekbern»dan qariyb 20 million yevroga kelib qo‘shilgandi.

Bu vaqt ichida u 224 ta o‘yinda maydonga tushib, 6 ta gol va 10 ta golli uzatmani amalga oshirgan. Uning klub bilan shartnomasi 2023 yilning iyunigacha amal qiladi.