«Манчестер Юнайтед» ҳимоячиси Фил Жонс жорий клубини тарк этиш ниятида, деб хабар беради Goal.

Манбанинг хабарига кўра, футболчи клублардан турли таклифларини кўриб чиқишга тайёр.

Эслатиб ўтамиз, инглиз футболчиси 2020 йилнинг январидан буён майдонга тушмаган. Ҳозир Жонс яна бир жароҳатидан тузалмоқда.

Маълум бўлишича, ҳимоячи клубини ўзгартириб, яна футбол ўйнашни бошлаш ниятида. Фил «Манчестер Юнайтед»га 2011 йилда «Блекберн»дан қарийб 20 миллион еврога келиб қўшилганди.

Бу вақт ичида у 224 та ўйинда майдонга тушиб, 6 та гол ва 10 та голли узатмани амалга оширган. Унинг клуб билан шартномаси 2023 йилнинг июнигача амал қилади.