«Vest Bromvich» klubi «Nyukasl»ning sobiq futbolchisi Endi Keroll bilan shartnoma imzolashga yaqin turibdi. Xabarlarga ko‘ra, g‘arbiy o‘lka vakillari APLga qaytish uchun harakat qiladi. Shu sabab hujumda yaxshi variantlarni qo‘llashi lozim.
Klub hozirda Chempionshipda 4-turdan keyin 10 ochko to‘plab, turnir jadvalida ikkinchi pog‘onani band etgan va hali mag‘lubiyatga uchragani yo‘q. Valeriyan Ismail qo‘l ostidagi jamoa mavsum boshidan beri 11 ta gol urgan.
Endi Keroll esa yozda erkin agentga aylangan va jamoa uchun arzon va sifatli variant hisoblanadi. Hujumchi APLda 54 gol muallifi sanaladi.
