"Inter" bosh murabbiyi Simone Inzagi A seriya 2-tur uchrashuvida jamoaning "Verona" ustidan
qozongan g‘alabasi (3: 1) haqida fikr bildirdi.

"Bu qiyin g‘alaba edi, chunki biz dastlabki 15 daqiqada yaxshi boshladik, keyin gol o‘tkazib
yubordik va qolgan bo‘limda kurashdik. Biz aqlli emasdik, noto‘g‘ri tanlov qildik va o‘yin
oxirigacha muammolarga duch keldik. Bizga aniqlik yetishmadi, biz noto‘g‘ri qarorlar qabul
qildik va yetarlicha harakat qilmadik, lekin shuni ta’kidlash kerakki, "Verona" birinchi bo‘limni yaxshi o‘tkazdi.

Biz tanaffusda tikladik, keyin Lautaro Martinesning goli evaziga hisobni tezda tenglashtirdik va almashtirishlar bizga o‘sha paytda kerak bo‘lgan narsani berdi. Bu muhim g‘alaba. "Jenoa" bilan ochilish o‘yini oldidan aytganimdek, maydonda ko‘rganlarimdan mamnunman. Men Ashraf Hakimini zo‘r bilaman, lekin u bilan hech qachon ishlashga to‘g‘ri kelmagan. Men bir hafta Romela Lukakuni boshqarganman. 

Romelu ajoyib futbolchi lekin u shunday qaror qabul qildi va biz buni kutmagan edik.
Yaxshiyamki, klub tezda munosabat bildirdi va 10 kundan keyin Edin Jeko va Koreyani sotib
oldi, shuning uchun bizda raqobatbardosh jamoa bor. Klub va prezident Stiven Chjan meni
boshidan tushungan. Moliyaviy qiyinchiliklar bor edi va biz birinchi navbatda klub xavfsizligini ta’minlashimiz kerak edi. Bu amalga oshdi, endi bizda raqobatbardosh jamoa bor, endi biz Chempionlar ligasi boshlanishiga tayyorgarlik ko‘ryapmiz", - deya Inzagining so‘zlarini keltiradi Football Italia nashri.