Rossiya Federasiyasining Moskva shahrida baydarka va kanoeda eshkak bo‘yicha xalqaro musobaqa bo‘lib o‘tdi. Unda 10 dan ortiq mamlakat vakillari ishtirok etishdi.
Mazkur musobaqada 6 nafar vakilimiz yurtimiz sharafini himoya qildi. Quvonarlisi, jahon chempionati g‘olib va sovrindorlari, Olimpiada ishtirokchilari orasida kechgan qiziqarli poygalarda sportchilarimiz 1 ta oltin va 1 ta bronza medaliga sazovor bo‘ldilar.
Artur Guliyev 650 metr masofaga kechgan yakkalik dasturida marra chizig‘iga birinchi bo‘lib yetib keldi. Nilufar Zokirova hamda Elyor Mamadaliyev juftligi esa bronza medaliga sazovor bo‘lishdi.