Premyer-liga klublari hozirgi tarkiblar uchun 8 milliard yevrodan ko‘proq mablag‘ sarflashdi. Bu Yevropaning boshqa ligalaridan ikki baravar ko‘p.

CIES Football Observatory nashri tahliliga ko‘ra, ingliz klublari A Seriya (3,38 milliard yevro), La-Liga (3,26 milliard yevro), Liga 1 (2,68 milliard yevro) va Bundesliga jamoalari(2,33 milliard yevro)dan ko‘proq mablag‘ sarflagan.
Manchester jamoalari Yevropadagi eng qimmat klublar sanaladi:
"Manchester Siti"ning qiymati 1,078 milliard yevroga teng. "Shaharliklar"dan keyingi pog‘onalarni "Manchester Yunayted" (1,021 mlrd yevro), "Chelsi" (779 mln yevro), "Liverpul" (670 mln yevro), "Arsenal" (631 mln yevro) hamda "Tottenxem" (549 million yevro) jamoalari band qilishgan.
  
Shuningdek, "PSJ" Yevropadagi ingliz bo‘lmagan eng qimmat klub hisoblanadi. Jamoa tarkibi 955 million evroga baholanmoqda.
"Arsenal" yozgi transfer oynasi vaqtida eng ko‘p pul sarflagan Yevropa jamoasiga aylangan. "Kanonirlar" xaridlar uchun 182,6 million yevro xarajat qilgan.