Премьер-лига клублари ҳозирги таркиблар учун 8 миллиард евродан кўпроқ маблағ сарфлашди. Бу Европанинг бошқа лигаларидан икки баравар кўп.

CIES Football Observatory нашри таҳлилига кўра, инглиз клублари А Серия (3,38 миллиард евро), Ла-Лига (3,26 миллиард евро), Лига 1 (2,68 миллиард евро) ва Бундеслига жамоалари(2,33 миллиард евро)дан кўпроқ маблағ сарфлаган.
Манчестер жамоалари Европадаги энг қиммат клублар саналади:
"Манчестер Сити"нинг қиймати 1,078 миллиард еврога тенг. "Шаҳарликлар"дан кейинги поғоналарни "Манчестер Юнайтед" (1,021 млрд евро), "Челси" (779 млн евро), "Ливерпуль" (670 млн евро), "Арсенал" (631 млн евро) ҳамда "Тоттенхэм" (549 миллион евро) жамоалари банд қилишган.
  
Шунингдек, "ПСЖ" Европадаги инглиз бўлмаган энг қиммат клуб ҳисобланади. Жамоа таркиби 955 миллион эврога баҳоланмоқда.
"Арсенал" ёзги трансфер ойнаси вақтида энг кўп пул сарфлаган Европа жамоасига айланган. "Канонирлар" харидлар учун 182,6 миллион евро харажат қилган.