Angliya chempionati 4-tur doirasida MYU o‘z maydonida «Nyukasl»ni qabul qiladi.
Bilasizmi?
Meyson Grinvud joriy mavsum "Manchester Yunayted"ning APLdagi har bir o‘yinida gol urdi. U musobaqada ketma-ket 4 o‘yinda gol urgan to‘rtinchi yosh futbolchiga aylanishi mumkin. Bunga qadar Robbi Fauler, Nikolya Anelka va Fransis Jeffers ushbu ishni uddasidan chiqishgan.
Krishtianu Ronalduning APLdagi oxirgi o‘yini 2009 yilning may oyida «Arsenal»ga qarshi o‘tkazilgan edi. Agar u bugun MYU safida maydonga tushsa, maydonga tushgan o‘yinlar orasida eng katta farq yuzaga keltirish bo‘yicha musobaqa tarixidagi yangi rekord qo‘yiladi (12 yil va 118 kundan keyin).
"Manchester Yunayted" APL doirasida «Nyukasl»ga qarshi oxirgi 36 uy o‘yinida faqat bir marta mag‘lubiyatga uchragan - 26 g‘alaba, 9 durang. O‘sha mag‘lubiyat 2013 yilning dekabr oyida Devid Moyes boshqarayotgan davrda qabul qilib olingandi.
«Nyukasl» Premyer-Ligada MYU bilan oxirgi 8 uchrashuvning oltitasida hisobni ochgan bo‘lsada, ikki bor g‘alaba qozona olgan (4 mag‘lubiyat).
Bahs rasmiylari
Bosh hakam: Entoni Teylor
Qanot hakamlari: Geri Besvik, Adam Nunn
Zaxira hakami: Jon Bruks
VAR: Kreyg Pouson
VAR yordamchisi: Skott Ledjer
Taxminiy tarkiblar
Manchester Yunayted: De Xea, Van-Bissaka, Varan, Maguayr, Shou, Matich, Fred, Pogba, Fernandesh, Grinvud, Ronaldu
Nyukasl - Vudmen, Fernandes, Laselles, Shar, Myurfi, Uillok, Hayden, Almiron, Ritchi, Sent-Maksimin, Joelinton
Yo‘qotishlar
Mankunianliklar safida Markus Reshford jarohatidan tiklanib ulgurmagan bo‘lsa, Sancho ham jarohatda, lekin o‘ynashi mumkin. Skott MakTomini, Aleks Telles va Fil Jons formasini tiklab olmagan.
Mehmonlar tarkibida esa Martin Dubravka, Jonjo Shelvi, Rayan Freyzer, Kallum Uilsonlar jarohat olishgan. Pol Dammetning maydonga tushishi so‘roq ostida. Karl Darlou esa boshqa sababga ko‘ra bugungi o‘yinda qatnashmaydi.
Raqamlar
"Manchester Yunayted" barcha musobaqalarda «Nyukasl»ga qarshi oxirgi 37 uchrashuvning 33tasida mag‘lubiyatsiz seriya qayd etgan.
Premyer-Ligada esa «qizillar» so‘nggi 35 bahsning 32tasida mag‘lub bo‘lishmagan.
MYU barcha musobaqalarda «Nyukasl»ga qarshi so‘nggi 4 bellashuvda kamida uchtadan gol kiritgan.
«Nyukasl» o‘z navbatida APLning oxirgi 3 uchrashuvida darvozasidan kamida ikkitadan to‘p olib chiqqan.
Jamoalar APLda o‘zaro 52 marta to‘qnash kelishgan. Shulardan 31 tasida MYU g‘alaba qozongan, 7 marta «Nyukasl»ning qo‘li baland kelgan va 14 o‘yinda durang qayd etilgan.
Tomonlar oxirgi bor joriy yilning 21 fevralida uchrashishgan va "Old Trafford"da o‘tgan bahsda mezbonlar 3:1 hisobida g‘alaba qozonishgan.
Eslatib o‘tamiz, mazkur bahs bugun Toshkent vaqti bilan 19:00da boshlanadi.
