"Real Madrid" rahbariyati jamoa futbolchilariga Kilian Mbappe borasida gapirish va uning transferini muhokama qilishni ta’qiqlab qo‘ydi. "El Chiringuito" nashri xabariga ko‘ra, Karlo Anchelotti shogirdlariga Mbappening klubga kelishi haqidagi munozaralarni ta’qiqlagan.
Bu haqda mashg‘ulot yoki koridorlarda gapirishga ruxsat bermagan. Bu klub futbolchilarini har qanday keraksiz chalg‘ishlarini oldini olish va La liga hamda YECHLga bor e’tiborini qaratishda yordam beradi.
"Qaymoqranglilar" amaldagi Jahon chempioni uchun 197 million funt taklif etgan edi, ammo u parijliklar tomonidan rad etilgan. Mbappe yangi mavsumda beshta o‘yinda to‘rtta gol hamda ikkita golli uzatma berishga muvaffaq bo‘lgan.
