Angliya chempionatining 6-turidan o‘rin olgan «Aston Villa» hamda «Manchester Yunayted» jamoalari o‘rtasidagi bahsda amalga oshirilgan penalti ko‘pchilik tomonidan muhokama qilinmoqda.
O‘shanda «mankunianlar» penaltidan hisobni tenglashtirish imkoniyatiga ega bo‘lishgandi, biroq Bruno Fernandeshning darvoza tomon yo‘llagan zarbasi ancha noaniq ko‘rinish oldi.
Talksportning qayd etishicha, Fernandeshning zarbasidan oldin «Aston Villa» darvozaboni Emiliano Martines «Manchester Yunayted» futbolchilarini masxara qilgan va gol bo‘lmasligini oldindan his qildi.
Argentinalik posbon nuqtaga Krishtianu Ronalduning borishi kerakligini ta’kidlagan. Hozir esa uning ushbu aytgan gaplari ijtimoiy tarmoqlarning bosh mavzusi bo‘lib turibdi.
