Англия чемпионатининг 6-туридан ўрин олган «Астон Вилла» ҳамда «Манчестер Юнайтед» жамоалари ўртасидаги баҳсда амалга оширилган пенальти кўпчилик томонидан муҳокама қилинмоқда.

Ўшанда «манкунианлар» пенальтидан ҳисобни тенглаштириш имкониятига эга бўлишганди, бироқ Бруно Фернандешнинг дарвоза томон йўллаган зарбаси анча ноаниқ кўриниш олди.

Talksportнинг қайд этишича, Фернандешнинг зарбасидан олдин «Астон Вилла» дарвозабони Эмилиано Мартинес «Манчестер Юнайтед» футболчиларини масхара қилган ва гол бўлмаслигини олдиндан ҳис қилди.

Аргентиналик посбон нуқтага Криштиану Роналдунинг бориши кераклигини таъкидлаган. Ҳозир эса унинг ушбу айтган гаплари ижтимоий тармоқларнинг бош мавзуси бўлиб турибди.