«Barselona»ning shu paytgacha to‘planib qolgan qarzlarining bir qismini, aniqrog‘i, 1,5 milliard yevroni Dubaydan noma’lum kompaniya to‘lab berishi mumkin.
Sport.es xabariga ko‘ra, BAA ishbilarmonlari hozirda «ko‘k-anorranglilar» qarzini to‘lashga va kataloniyaliklarga 2 yildan 12 yilgacha kredit berishga tayyor.
Ushbu moddiy yordam «Barsa»ga transferlar siyosatini erkin yuritishga yordam beradi, deb xabar beradi manba.
Eslatib o‘tamiz, «Barselona» La Liga turnir jadvalida oltinchi o‘rinda bormoqda. Shu bilan birga, jamoa zaxirasida bitta o‘yin ham bor.
