«Барселона»нинг шу пайтгача тўпланиб қолган қарзларининг бир қисмини, аниқроғи, 1,5 миллиард еврони Дубайдан номаълум компания тўлаб бериши мумкин.

Sport.es хабарига кўра, БАА ишбилармонлари ҳозирда «кўк-анорранглилар» қарзини тўлашга ва каталонияликларга 2 йилдан 12 йилгача кредит беришга тайёр.

Ушбу моддий ёрдам «Барса»га трансферлар сиёсатини эркин юритишга ёрдам беради, деб хабар беради манба.

Эслатиб ўтамиз, «Барселона» Ла Лига турнир жадвалида олтинчи ўринда бормоқда. Шу билан бирга, жамоа захирасида битта ўйин ҳам бор.